Mu gihe igihugu gikomeje gushyira imbaraga mu guteza imbere uburezi bufite ireme, Ikigo cy’Igihugu Gishinzwe Uburezi (REB), ku bufatanye n’Inama Nkuru y’Amashuri Makuru na Kaminuza (HEC), cyatangaje inkuru ishimishije ku barezi bifuza gukomeza amashuri makuru.

REB yatangaje ko izatanga buruse 300 ku barimu bakorera mu mashuri ya Leta n’afashwa na Leta, kugira ngo bashobore gukomeza amasomo yabo mu mashami y’Uburezi bw’Inshuke, Uburezi bw’Abafite Ubumuga, Siyansi mu Burezi ndetse n’Indimi mu Burezi. Aya mahirwe agarukira ku mwaka w’amashuri wa 2025-2026, kandi azabera kuri Kaminuza y’u Rwanda, Ishami ry’Uburezi (URCE).

Ni bande bemerewe kwiyandikisha?

• Kuba ari Umunyarwanda,
• Kuba atarengeje imyaka 35,
• Kuba afite impamyabumenyi y’amashuri yisumbuye (A2) mu mashuri y’uburezi cyangwa se Diplome (A1) mu burezi,
• Kuba amaze nibura imyaka itatu (3) yigisha,
• Kuba atarigeze ahagarikwa ku kazi igihe kirenze amezi atatu.

Ibyangombwa bisabwa ku basaba iyi buruse

• Kopi y’impamyabumenyi ya A2 cyangwa A1 yakuwe muri kaminuza cyangwa ishuri ryemewe,
• Transisa cyangwa urutonde rw’amanota arimo ibitandukanye ku mpamyabumenyi,
• Kopi y’ibaruwa igaragaza ko uri umwarimu wemewe,
• Kopi y’isuzuma ry’umurimo wakoze mu mwaka wa 2023-2024 ryasinywe n’akarere.

Ni gute wasaba iyi buruse?

Gusaba iyi buruse bizakorwa hifashishijwe urubuga rwa Teacher Management and Information System (TMIS) kuri: https://tmis.reb.rw/

Igihe cyo gusaba: Kuva ku wa 17 Werurwe kugeza ku wa 28 Werurwe 2025.

✔ Abasabye bazatoranywamo abakwiye gukomeza, nyuma bakazahabwa ibizamini byo kubagerageza.

Uyu ni umwanya ntagereranywa ku barezi bashaka kuzamura ubumenyi bwabo no guteza imbere uburezi bw’u Rwanda. Wowe se wabyitwayemo ute? Saba amahirwe yawe ubu!

Yashyizweho tariki ya 17 Werurwe 2025
Yanditswe na Fils Lambert IRATURINZE ss="comments-section">

Ibitekerezo

Tanga igitekerezo